Qəbələdə şəhid ailələri, müharibə iştirakçıları üçün iftar süfrəsi açılıb - FOTO

Ramazan ayının ən gözəl ənənələrindən, savab sayılan adətlərindən biri iftar süfrələrinin təşkil olunmasıdır.

Bizim.Media-nın yerli bürosu xəbər verir ki, belə iftar süfrələrindən biri Qəbələdə
şəhid ailələri, müharibə əlilləri və iştirakçıları üçün təşkil edilib.

Şəhid ailələri, müharibə əlilləri və iştirakçıları, eləcə də rayon ağsaqqallarının iştirak etdiyi tədbirdə şəhidlərin ruhuna dualar oxunub, qarşıdan gələn müqəddəs Ramazan bayramı münasibətilə təbriklər səsləndirilib.

Şəhid ailələrinin üzvləri və müharibə əlilləri onlara göstərilən diqqət və qayğıya görə ölkə rəhbərliyinə minnətdarlıqlarını bildiriblər.





Tural Rasim oğlu, Bizim.Media, Şimal-Qərb bürosu