Economy

"Rusiyalı məmurlar ən yaxşı peyin satanlardır" - Con Kirbi

moderator.az

14:33 29.03.2024

Smartbee
Report

"Moskva ətrafında törədilən terror aktına görə tam məsuliyyət İŞİD-in üzərindədir..."

"ABŞ Ukraynananı zərbə altından çıxarmaqla özü-özünü ifşa edib..."

Ağ Ev Rusiya məmurlarına sərt şəkildə əl gəzdirib, Zaxarova "satirik tərzdə" onların müdafiəsinə qalxıb

Moskva ətrafında törədilmiş terror aktının günahını Ukraynanın üzərinə yıxmaq istəyən Vladimir Putin və digər rusiyalı məmurların açıq bəyanatlarına rəğmən, ABŞ və müttəfiqləriə məhz İŞİD-in bu hücuma görə tam məsuliyyət daşıdığı tamamilə aydındır.

Moderator.az xəbər verir ki, bu barədə ABŞ Milli Təhlükəsizlik Şurasının nümayəndəsi Con Kirbi bəyan edib. Məlumatı "rtvi.com" nəşri yayıb.

Onun sözlərinə görə, Kremlin terrorda "Ukrayna izi" haqqında iddiaları "tam cəfəngiyyat və mənasız təbliğatdır", konsert salonuna hücumun özü isə Rusiyanın belə təhlükələrdən qorunmaq iqtidarında olmadığını nümayiş etdirib.

Kirbi xatırladıb ki, "Birləşmiş Ştatlar bu terror aktının qarşısını almaqda kömək etməyə cəhd edib və Kreml bunu bilir".

Onun sözlərinə görə, ABŞ dəfələrlə Moskvada konsert və kütləvi tədbirlərdə ekstremist hücumların mümkünlüyü barədə Rusiya hakimiyyətinə xəbərdarlıq edib.

Kirbi o cümlədən qeyd edib ki, Vaşinqton Rusiyanın təhlükəsizlik xidmətlərinə martın 7-də səhər saat 11:15-də müfəssəl məlumat göndərib. O, qeyd edib ki, yazılı xəbərdarlıq "müəyyən edilmiş kanallarla əvvəllər də istifadə edilən adi prosedurdur".

Ağ Ev nümayəndəsi əlavə edib ki, ABŞ dövlətlərlə "qarşılıqlı münasibətlərdən asılı olmayaraq terror aktlarının hazırlanması barədə məlumatlı olarsa" bütün dünya boyunca hökumətləri xəbərdar edib və etməkdə davam edəcək.

"Dayım deyərdi ki, ən "yaxşı peyin satanlar onun nümunələrini ağzında gəzdirir". "Rusiyalı məmurlar ən yaxşı peyin satanlardır", - Kirbi qeyd edib.

Rusiya Xarici İşlər Nazirliyinin rəsmi nümayəndəsi Mariya Zaxarova Kirbinin bu sözlərini dərhal şərh edib.

"Rus dilində belə atalar sözü yoxdur, çünki bizdə yox, okeanın o tayında "peyini ağızda gəzdirirlər". Amma bizdə belə atalar sözü var: "Kimdə nə yoxdursa, elə hey ondan danışır".

Yeri gəlmişkən, Birləşmiş Ştatlarda "ağzı sabunla yumaq" ("to wish one's mouth out with soap") ifadəsinin nədən yayıldığı indi aydın olur", - Zaxarova "Teleqram-kanal"ında yazıb.

Bir gün öncə Zaxarova bəyan edib ki, əgər Birləşmiş Ştatlar terror aktına cəlb olunmasaydı, Amerika hakimiyyəti tədqiqatın, istintaqın və faktların təqdim edilməsinin zəruriliyi barədə bəyan edərdi.

Onun sözlərinə görə, ABŞ Ukraynanı zərbə altından çıxarmağa başlamaqla özü-özünü ifşa edib.

Rusiya KİV-lərinin fikrincə, Zaxarovanın cavabı "satirik tərzdədir".

Chosen