"Azərbaycan və Rusiya futbolu arasında ziddiyyət var" - Lunyov

"Azərbaycan və Rusiya futbol liqaları arasında bənzərlik azdır. Azərbaycanda yüksək liqada 10 komanda oynayır. Bu, Rusiya ilə ziddiyyət təşkil edir (Rusiyada 16 komanda - red.). Bundan başqa, tribunalar yarıboş olur".

QOL.az xəbər verir ki, bu sözləri "Qarabağ"ın qapıçısı Andrey Lunyov Rusiyanın sport24.ru saytına müsahibəsində deyib.

O deyib ki, Rusiyada, məsələn, Voronej, Krasnodarda azarkeş çox olur, "Zenit"in oyunlarında da tribunalar demək olar ki, dolur: " Düzdür, əvvəlkitək deyil, amma yenə də yaxşı sayda azarkeş gəlir. Aydın məsələdir ki, fanatlarsız futbol o deyil. 

Azərbaycanda isə stadionların 10-15 min tutumu var, amma 2-3 min azarkeş gəlir. Bu, kədərli mənzərədir".

Lunyov Azərbaycandakı xərcləri barədə də danışıb. O deyib: "Almaniya ilə müqayisədə Azərbaycanda xərclərim azalıb. Orada təkcə evin və maşının icarəsinə ayda 5000 min avro xərcləyirdim. Azərbaycanda isə 1500 evə, 1000 maşına gedir. Uşaq baxçası üçün xərc çox xırdadır. Benzin də çox pul aparır. Bir ayda ümumən hardasa 4000-5000 min avro xərcim çıxır".