• Şikayət et

SOCAR nümayəndə heyəti Özbəkistanda səfərdə olub - FOTO

Azərbaycan Respublikasının Prezidenti İlham Əliyevin ötən ay Özbəkistana dövlət səfərindən sonra ölkə başçısı tərəfindən verilən tapşırıqların icrasını təmin etmək məqsədilə SOCAR-ın birinci vitse-prezidenti, prezident vəzifəsini müvəqqəti icra edən Rövşən Nəcəfin rəhbərlik etdiyi nümayəndə heyəti Özbəkistanda səfərdə olub.

SOCAR-dan FED.az-a bildirilib ki, səfər çərçivəsində nümayəndə heyəti əvvəlcə Azərbaycan xalqının ümummilli lideri Heydər Əliyevin Daşkənddə ucaldılan abidəsini ziyarət edib, önünə gül dəstələri düzüb.

SOCAR nümayəndə heyəti “Uzbekneftegaz” ASC-nin tərkibində fəaliyyət göstərən Modelləşdirmə Mərkəzini, həmçinin İstehsal və dispetçer idarəetməsi Mərkəzini ziyarət edib. Burada nümayəndə heyətinə mərkəzlərin fəaliyyət istiqamətləri və tətbiq olunan yeniliklər haqqında məlumat verilib.

SOCAR-ın birinci vitse-prezidenti, prezident vəzifəsini müvəqqəti icra edən Rövşən Nəcəf ilə “Uzbekneftegaz” Səhmdar Cəmiyyətinin İdarə Heyətinin sədri Mehriddin Abdullayev arasında keçirilən görüşdə iki şirkət arasında əməkdaşlığın perspektivləri, təcrübə mübadilələrinin həyata keçirilməsi və qarşılıqlı maraq doğuran digər məsələlər müzakirə olunub.

Görüşdə SOCAR ilə “Uzbekneftegaz” Səhmdar Cəmiyyətinin arasında əməkdaşlığın genişləndirilməsinə dair “Yol xəritə”si imzalanıb. Sənəd neft-qaz sahəsində birgə layihələrin reallaşdılması və treydinq, neft emalı, neft-kimya sahəsində əməkdaşlıq, təcrübə mübadilələrinin aparılması və bu kimi digər önəmli istiqamətləri əhatə edir. Eyni zamanda, sənəd “Uzbekneftegaz” Səhmdar Cəmiyyətinin əməkdaşlarının SOCAR-ın müəssisələrində təcrübə keçmələrini, şirkətlərin mütəxəssisləri arasında mütəmadi görüşlərin təşkilini, birgə işçi alt qruplarının yaradılmasını, rəqəmsal texnologiyalar sahəsində əməkdaşlığı nəzərdə tutur.

Səfər çərçivəsində Rövşən Nəcəf Özbəkistan Respublikasının energetika nazirinin birinci müavini, energetika naziri vəzifəsini müvəqqəti icra edən Azim Axmedxadjayev ilə görüşüb.

Görüşdə SOCAR ilə “Uzbekneftegaz” Səhmdar Cəmiyyəti arasında imzalanan əməkdaşlığın genişləndirilməsinə dair “Yol xəritə”sinin əhəmiyyəti vurğulanıb. Eyni zamanda ölkələrimiz arasında enerji sahəsində əlaqələrin möhkəmləndirilməsi imkanlarına dair fikir mübadiləsi aparılıb.

SOCAR nümayəndə heyətinin Daşkənddə, həmçinin Özbəkistanın Dövlət Geologiya Komitəsinin rəhbərliyi ilə də görüşü olub. Görüş zamanı geologiya sahəsində əməkdaşlıq və Özbəkistanda həyata keçirilən layihələrdə SOCAR-ın iştirak imkanlarının araşdırılması məsələləri nəzərdən keçirilib.

SOCAR

SOCAR

SOCAR

SOCAR

SOCAR

SOCAR

SOCAR

SOCAR

SOCAR

 

Mənbə:
0
77
0
0 şərh

Ən çox oxunanlar

  • Bugün
  • Həftə
  • Ay

Son şərhlər

Trenddə olanlar