• Şikayət et

Soros: “Bəşəriyyətin xilası üçün Putin məğlub edilməlidir”

“Bəşəriyyətin xilası üçün Putin məğlub edilməlidir”.

KONKRET.az xəbər verir ki, bunu maliyyəçi milyarder Corc Soros mayın 24-də deyib. O bildirib  ki, Rusiyanın Ukraynaya müdaxiləsi III Dünya Müharibəsinin başlanğıcı ola bilər. Onun fikrincə, məhz buna görə də azad sivilizasiyasını qoruyub saxlamaq üçün prezident Vladimir Putinin qüvvələri məğlub edilməlidir.

Reuters agentliyinin yazdığına görə, 91 yaşlı xeyriyyəçi Davos forumunda verdiyi illik şam yeməyi zamanı xəbərdarlıq edib ki, Ukraynada gedən müharibə açıq cəmiyyətlərlə Çin və Rusiya kimi qapalı cəmiyyətlər arasında gedən çarpışmanın bir hissəsidir: “Bu müdaxilə III Dünya Müharibəsinin başlanğıcı ola və sivilizasiyamız bu bu müharibədən sağ çıxmaya bilər. Bizim sivilizasiyamızı qoruyub saxlamağın bəlkə də yeganə və ən yaxşı yolu Putini mümkün qədər tez məğlub etməyimizdir”.

Sorosun fikrincə, Ukraynadakı müharibəni “xüsusi əməliyyat” adlandıran və Kremlin bütün məqsədlərinə çatacağını deyən Putin indi baş düşür ki, səhv edib və atəşkəs danışıqlarına hazırlaşır. “Lakin atəşkəs mümkün deyildir, çunki Putinə etibar etmək olmaz. Zəifləmiş Putin daha da hərəkəti bəlli olmayan olur”.

“Bu gün Çin və Rusiya ən böyük təhlükədir”,- deyə Soros xəbərdarlıq edib ki, Avropa İttifaqı Putinin qazı kəsə biləcəyini başa düşməlidir.

Hazırda Avropa İttifaqı istehlak etdiyi qazın 40 faizini Rusiyadan alır.

Mənbə:
0
155
0
0 şərh

Ən çox oxunanlar

  • Bugün
  • Həftə
  • Ay

Son şərhlər

Trenddə olanlar