İlon Maskın təsis etdiyi Amerikanın “Neuralink” şirkəti insan beyninə çip implantasiyası üzrə ikinci əməliyyat keçirmək üçün ABŞ Federal Qida və Dərman İdarəsindən (FDA) icazə alıb.
QHT.az xəbər verir ki, birinci şəxsin beyninə quraşdırılmış Telepatiya adlı çipdə problemlər yaranıb. Xüsusən də beynin hərəkəti nəticəsində çipin beyninə qoşulmuş ultra nazik naqillərdən bəziləri çıxıb və onların çipə siqnal ötürməməsinə səbəb olub. Şirkət implantın alqoritmini dəyişdirərək və neyroimplantı daha həssas etməklə onun funksionallığını bərpa etdiyini bildirib. Lakin problemi həll etmək üçün şirkət bəzi naqilləri beynin daha dərinliyinə daxil etməyi planlaşdırır.
Neuralink bütün heyvan testlərinin nəticələrini tənzimləyicilərə təqdim etdiyi üçün ABŞ Qida və Dərman İdarəsi kimi şirkət də problemdən xəbərdardır. Agentlik məlumatı şərh etməkdən imtina edərək, yalnız FDA-nın Neuralink tədqiqatlarında iştirakçıların təhlükəsizliyinə nəzarət edəcəyini söylədi.
Pərvanə Fərhadqızı
