9 yaşlı uşaq ağciyərdə exinokokk kistası (qurd kistası) diaqnozu ilə Kliniki Tibbi Mərkəzin Uşaq cərrahiyyəsi şöbəsinə yerləşdirilib.
Mərkəzdən Medicalmedia.az-a verilən xəbərə görə, xəstədə sol ağciyərdə 10 sm ölçülü exinokokk kistası aşkar olunub. Mərkəzdə uşağın müayinələrindən sonra əməliyyat icra edilib. Əməliyyat Kliniki Tibbi Mərkəzin uzman uşaq cərrahı Aynur Qurbanova, həkim-uşaq cərrahı Günay Əmrahlı və anestezioloq Elnarə Niftəliyevanın iştirakı ilə baş tutub.
Əməliyyatdan sonra xəstədə hər hansı ağırlaşma və narahatlıq müşahidə edilməyib.