Gəncəçayda batan 14 yaşlı yeniyetmə Murad Allahverdiyevin ölümü ilə bağlı bəzi məqamlar məlum olub.
Avtosfer.az xəbər verir ki, o, dostunu xilas edərkən həyatını itirib.
Muradın əmisi Qismət Allahverdiyev bildirib ki, üç dost bir yerdə Gəncəçayı keçmək istəyib:
"O vaxt su çaya güclü gəlirmiş. Bu zaman onlardan birinin ayağı büdrəyib və yıxılıb. Su həmin uşağı 4-5 metr irəliyə aparıb. Murad bu zaman ona kömək edib və dostunu sudan çıxarıb, sonra isə ayağının altından torpaq qaçıb və yıxılıb, su da onu aparıb".
