Odessada yerləşən "Levşa" boks klubunun yetirməsi Camal Quliyev 75 kq çəki dərəcəsində boks üzrə beşinci dəfə Ukrayna çempionu adını qazanıb.
Bu barədə Mia.az-a Odessada yaşayan azərbaycanlı ictimai fəal, jurnalist Anar Natiqoğlu məlumat verib.
Onun sözlərinə görə, Camal Quliyev atası, əslən Ağcabədidən olan iş adamı Şamil Quliyevin təsisçisi olduğu "Dopomoqa" xeyriyyə fondunun icraçı direktoru kimi, ehtiyacı olan əhaliyə, xüsusən də məcburi köçkünlərə humanitar dəstək aksiyalarının da fəal iştirakçısıdır: "Ali təhsilli hüquqşünas olan soydaşımız Ukraynanın əməkdar idman və mədəniyyət işçisi Azər Mustafayev və Ukraynanın əməkdar məşqçisi Nurəddin Əlibəylinin yetirməsidir!".
Fərid
MİA.AZ
