Əfqanıstanda silahlı hücum nəticəsində 3-ü turist olmaqla 4 nəfər ölüb

Əfqanıstanın Bamyan bölgəsində naməlum şəxslər tərəfindən həyata keçirilən silahlı hücumda 3-ü xarici turist olmaqla 4 nəfər həyatını itirib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Hadisə ilə bağlı təhlükəsizlik qüvvələrinin işə başladığını bildirən Əfqanıstan Daxili İşlər Nazirliyinin sözçüsü Əbdül Mətin Qani, "İndiyə qədər 4 nəfər nəzarətə alındı" dedi. Hücumu şiddətlə qınayan Qani həlak olanların ailələrinə başsağlığı verib və cinayətkarların tapılaraq cəzalandırılacağını vurğulayıb.