Ermənistanın baş naziri Nikol Paşinyan ötən gün hökumətin iclasını keçirib.
Paşinyan iclasda bir sıra məsələlərdən, o cümlədən delimitasiya prosesindən danışıb. Paşinyan konkret olaraq deyib ki, Azərbaycanın bütün tələblərini yerinə yetirəcək.
Musavat.com xəbər verir ki, onun bu fikri Ermənistan müxalifəti tərəfindən qınanılır, teleqram kanallarında məsələ müzakirəyə çıxarılıb.
Lakin görünən budur ki, Paşinyan ermənilərin içərisində ən ağıllısıdır. Başa düşür ki, Ermənistanın gələcəyi, suverenliyi Azərbaycanla razılaşmadan asılıdır.
İclasda Paşinyan onu da bildirib ki, biz sərhədi mövcud reallıqlar əsasında çəkirik, yəni kimin ordusu hardadırsa, orada dayanır.
Onun çıxışı Kirants kimi kəndlərdə də etirazla qarşılanıb. Ancaq Paşinyan bildirib ki, sərhədin bəzi ərazilərində problemlər ola bilər. Həmin problemləri də dövlət olaraq həll edəcəklər.
