6-7 iyun tarixlərində "İNJURİA" Hüquq jurnalının, Hüquq və İnsan Haqları İnstitutunun, Almaniya Martin Luter Universitetinin və Türkiyə Tibb Hüququ İnstitutunun birgə təşkilatçılığı ilə "XXI əsrdə Tibb Hüququ və İnsan Hüquqları" mövzusunda “XV Azərbaycan-Türk-Alman Tibb Hüququ Simpoziumu” keçiriləcək.
QHT.az xəbər verir ki, bu simpozium tibb hüququ və insan hüquqları sahəsində müasir problemləri və yenilikləri müzakirə etmək məqsədi daşıyır. Tədbir zamanı müxtəlif ölkələrdən gəlmiş mütəxəssislər, alimlər və hüquqşünaslar öz təcrübə və biliklərini bölüşəcək, həmçinin bu sahədə yaranan yeni çağırışlar və həll yolları barədə fikir mübadiləsi aparacaqlar.
Simpoziumun proqramı daxilində məruzələr, panel müzakirələri və elmi debatlar təşkil olunacaq. Bu tədbir iştirakçılara beynəlxalq səviyyədə təcrübə mübadiləsi və tibb hüququnun aktual məsələləri barədə dərin biliklər əldə etmək imkanı yaradacaq.
Pərvanə Fərhadqızı
