Bakı, 16 may, AZƏRTAC
Elm və Təhsil Nazirliyinin Riyaziyyat və Mexanika İnstitutunun Funksional analiz şöbəsinin aparıcı elmi işçisi Namiq Quliyevin Oksford Universitetinin “The Quarterly Journal of Mathematics” jurnalında “Bessel tipli sinqulyarlıqlar və spektral parametrdən asılı olan sərhəd şərtləri bir medalın iki üzüdür” adlı məqaləsi dərc olunub.
İnstitutdan AZƏRTAC-a bildirilib ki, məqalə həmin jurnalın ən təsirli tədqiqat işlərinin siyahısında yer alıb. Bu siyahı son iki il ərzində jurnalda çap olunmuş məqalələr arasında ən çox istinad edilmiş və ən çox oxunmuş işlərdən təşkil olunur.
