“Slovakiyanın Baş naziri Robert Fitsoya qarşı sui-qəsd əvvəlcədən planlaşdırılıb”.
“Qafqazinfo” TASS-a istinadən xəbər verir ki, bu barədə məlumatı Baş nazirin müavini, müdafiə naziri Robert Kalinyak mətbuat konfransında açıqlayıb.
Onun sözlərinə görə, hadisə təsadüf olmayıb.
Xatırladaq ki, mayın 15-də R.Fitsoya qarşı sui-qəsd törədilib. Baş nazirin Leviçe şəhərindən olan 71 yaşlı yazıçı Yuray Çintula tərəfindən güllələndiyi məlum olub. O, hadisəni niyə törətməsi haqda açıqlama verib və hökumətin siyasəti ilə razı olmadığından bu addımı atdığını qeyd edib. Dünən əməliyyat olunan Fitsonun yenidən əməliyyat ediləcəyi, vəziyyətinin ağır olduğu bildirilir.
