Almaniya millisinin üzvü və "Bavariya"nın futbolçusu Serj Qnabri zədə səbəbindən Avro-2024-ü buraxacaq.
QOL.az xəbər verir ki, bu barədə Almaniya mətbuatı məlumat yayıb. Çempionlar Liqasının yarımfinal mərhələsinin "Real"la cavab oyununda sıradan çıxan hücumçunun zədəsi ciddidir. Buna görə də Qnabri yığmanın AÇ üçün heyətinə daxil edilməyib.
Avro-2024-ün final mərhələsi iyunun 14-dən iyulun 14-dək Almaniyada keçiriləcək. Turnirin oyunlarına 10 şəhərin 10 stadionu ev sahibliyi edəcək. Avropa çempionatının son qalibi İtaliya millisidir. Almaniya millisi Avro-2024-də A qrupunda Şotlandiya, Macarıstan və İsveçrə ilə mübarizə aparacaq.
