Çin mülki şəxslərə qarşı hücumları qəbuledilməz hesab edir və Crocus City Hall-da terror aktının bütün təşkilatçılarını və tərəfdaşlarını pisləyir.
Medianews.az xarici mediaya istinad edərək xəbər verir ki, bu barədə Rusiya və Çin arasında Rusiya prezidenti Vladimir Putin və Çin prezidenti Si Tszinpin tərəfindən imzalanan birgə bəyanatda deyilir.
Müraciətdə bildirilir ki, Çin tərəfi 2024-cü il martın 22-də Moskva vilayətində törədilmiş qeyri-insani terror aktının bütün təşkilatçılarını, icraçılarını və tərəfdaşlarını qəti şəkildə pisləyir, mülki əhaliyə qarşı hücumların qətiyyən yolverilməz olduğunu bəyan edir və Rusiya tərəfinin terrorçu və terrorizmlə mübarizəyə yönəlmiş qətiyyətli hərəkətlərini dəstəkləyir.
Qeyd edək ki, martın 22-də Crocus City Hall konsert zalında terror aktı baş verib. Hücum edənlər binadakı insanlara avtomat silahlardan atəş açıb və auditoriyanı yandırıblar. Ertəsi gün Bryansk vilayətində hücumda birbaşa iştirakda şübhəli bilinən dörd nəfər saxlanılıb.
Məhkəmə onların mayın 22-dək təcridxanaya göndərilməsinə qərar verib. Daha sonra cinayətdə iştirakda şübhəli bilinən daha bir neçə nəfər saxlanılıb.
Medianews.az
