“Huawei” şirkəti texnologiya bazarında öz repertuarını genişləndirməklə, 2024-cü il üçün “Huawei MateBook D16”nı təqdim eedib. Bu cihaz, dizayn və performans baxımından möhtəşəm imkanlara malikdir. Notbuk əvvəlki modellərə nisbətən əhəmiyyətli dərəcədə təkmilləşdirilib.
Əsas məqamlar:
Mükəmməl ekran: “MateBook D16 2024”, 16 düyüm ölçüsündə olan IPS-ekran ilə fəxr edə bilər. Bu ekran 1920x1200 piksel ölçüsü ilə təchiz olunub, nazik çərçivələrlə əhatələnib. Yeni nəsil “Huawei MateBook D16” notbuklarında ekranın 180 dərəcəyə qədər açılma funksiyası həyata keçirilib.
Yüngül, cəmi 1,68 kiloqram çəkiyə malik olan bu notbuk, davamlılıq testlərindən uğurla keçib, xüsusi rəqəmsal klaviatura və barmaq izi skaneri ilə təchiz edilib. Bundan əlavə, yönləndiricidən 270 metrə qədər məsafədən siqnal qəbul edə bilən, sürətli və etibarlı simsiz bağlantını təmin edən anten ilə təchiz edilib.
Güclü performans: “Intel Core i9” daxil olmaqla 13-cü nəsil “Intel Core” prosessorlarından ibarətdir. “Intel UHD” qrafikası olan “Core i5” istisna olmaqla; “Core i7” və “i9” variantları “Intel Iris Xe” qrafik prosessoruna malikdir. 16 GB RAM və 1 TB həcmində yaddaş diski ilə birlikdə kəsintisiz ən çətin tapşırıqların belə öhdəsindən asanlıqla gəlir.
Zəngin imkanlar: notbuk, 1080p ölçülü veb-kamera, iki dinamik, mikrofon və sensor paneli ilə təchiz olunub.
Xülasə:
“Huawei MateBook D16 2024” notbuk bazarında istifadəçi üçün cəlbedici bir seçim olaraq performans, funksionallıq və komfort nümayiş etdirir. Böyük, 16 düyüm ekranı, güclü “Intel Core 13”cü nəsil prosessoru, eləcə də geniş yaddaş və akkumulyatorun saxlama imkanları onu müxtəlif tələblərinizi tam təmin etməyə imkan yaradır.
