Mövcud iOS yeniləməsindəki bəzi səhvlərə görə Apple ötən həftələrdə iOS 17.4 yeniləməsini çıxarıb və bəzi xüsusiyyətləri telefonlara gətirib.
AZXEBER.COM xarici mətbuata istinadən xəbər verir ki, şirkət indi bəzi səhvləri düzəldən və bir neçə yeni funksiya gətirən iOS 17.5 yeniləməsini yaymağa başlayıb.
iOS 17.4 ilə Avropa İttifaqı daxilində iPhone modellərində xarici mənbələrdən tətbiqlərin quraşdırılması xüsusiyyəti aktivləşdirilib.
Bu, istifadəçilərin \"App Store\"dən kənarda iPhone-lara proqramlar quraşdırmasına yol açıb.
Bununla belə, istifadəçilər öz seçdikləri internet saytından deyil, proqram tərtibatçılarının rəsmi saytlarından yükləyə biləcəklər.
Apple öz saytlarında proqramlar dərc etmək istəyən tərtibatçılara müəyyən şərtlər qoyur.
Bunların arasında, Apple-nin tərtibatçı proqramının üzvü olmaq, Aİ-də bir milyon yükləməyə malik proqram və məlumatların toplanması üzrə şəffaflıq daxildir.
Digər tərəfdən, iOS 17.5, həmçinin iPhone istifadəçiləri üçün 15 mühüm təhlükəsizlik yamasını ehtiva edir.
ABŞ-nin texnologiya nəhəngi sözügedən boşluqların heç birinin daha əvvəl istifadə edilmədiyini bildirsə də, istifadəçilərə yeniləmələri tez bir zamanda etmələri tövsiyə olunur.
Nəhayət, iOS 17.5 yeniləməsinə izləmə cihazları ilə bağlı dəyişiklik daxildir.
İstifadəçilər Apple sertifikatı olmasa belə izləməyə baxa və söndürə biləcəklər.
Mikayıl
