Rusiya Prezidentinin mətbuat katibi Dmitri Peskov bildirib ki, Rusiyanın iştirakı olmadan Ukrayna üzrə İsveçrədə keçiriləcək beynəlxalq sammit perspektivsizdir.
“İki sahil” “Kommersant”a istinadla xəbər verir ki, o, Çinin konfransda iştirakının onun effektivliyini artırmayacağını vurğulayıb.
“Çətin ki, bu konfransı nizamlanmaya yol tapacaq hansısa ciddi cəhd kimi qəbul etmək olar”, - deyə Peskov bildirib.
O əlavə edib ki, təhlükəsizlik məsələlərini Rusiyasız müzakirə etmək mənasızdır. Çinin balanslı yanaşması istənilən konfransı təkmilləşdirə bilər, lakin bu, bu xüsusi tədbirin effektivliyini artırmayacaq.
