Dünən Azərbaycan Prezidenti yanında Əfv Məsələləri Komissiyasının növbəti iclası keçirilib.
İclasda Komissiyaya daxil olan müraciətlərə baxılıb.
Qeyd edək ki, Komissiyanın son iclasınadək baxılan müraciətlərin sayı 500-ə yaxın idi.
Əfv Komissiyasının növbəti iclasları başa çatıbmı və ümumilikdə neçə müraciətə baxılıb?
Məsələ ilə bağlı Azərbaycan Prezidenti yanında Əfv Məsələləri Komissiyasının üzvü Rəşad Məcid “Cebhe.info”-ya bildirdi ki, Əfv Komissiyasının dünən iclası olub və bu hələ sonuncu iclas deyil:
“Daha bir iclas da olmalıdır və çox güman ki, mayın 22-də keçiriləcək. Ondan sonra sənədlər yekunlaşdırılıb cənab Prezidentə təqdim olunacaq. İndiyədək 6 iclas olub, hər birində 100-dən artıq işə işə baxılıb”.
Qeyd edək ki, komissiyanın iclasları 28 May – Müstəqillik Günü ilə əlaqədar nəzərdə tutulan əfvlə bağlı keçirilir.