Avropa Statistika İdarəsi 2024-cü ilin birinci rübündə Avropa İttifaqı (Aİ) və Avrozona ÜDM-i ilə bağlı aparıcı məlumatları yeniləyib. Müvafiq olaraq, 20 üzvlü Avrozonada mövsümi təsirlərdən təmizlənmiş ÜDM 2024-cü ilin birinci rübündə keçən ilin son rübünə nisbətən yüzdə 0,3 artdı. ÜDM-də illik artım 0,4 faiz olaraq hesablanıb.
Avrozona iqtisadiyyatı keçən ilin həm üçüncü, həm də dördüncü rübündə yüzdə 0,1 daralaraq, "ard-arda iki rüb daralma" olaraq təyin olunan texniki tənəzzülə girdi.
Aİ-də mövsümi təsirlərdən təmizlənmiş ÜDM ilin birinci rübündə əvvəlki rüblə müqayisədə yüzdə 0,3, illik bazda isə yüzdə 0,4 artıb.
Ən böyük Avrozona ölkələri arasında ilk rübdə 0,7 faiz artımla ən güclü göstəriciyə malik ölkə İspaniya olub. Almaniya və Fransa 0,2 faiz, İtaliya 0,3 faiz artıb.
