Texnoloji inkişaf baş verdikcə müxtəlif fırıldaqçılıq ssenariləri də təkmilləşir.
"Report"xəbər verir ki, bunu Azərbaycan Mərkəzi Bankının (AMB) böyük mütəxəssisi Xəyalə Məmmədova Bakıda keçirilən Fintex Sammitində deyib.
Onun sözlərinə görə, hazırda kibertəhkükəsizlik tədbirləri çərçivəsində müxtəlif yeniliklər tətbiq olunur:
"Bu çərçivədə Azərbaycan Mərkəzi Bankı da maliyyə sektorunda kibertəhkükəsizlik strategiyasına uyğun olaraq çoxlu işlər görməyi planlaşdırır. Həmçinin müxtəlif hesabatlılığımızı da təkmilləşdiririk. Bu qaydanın necə effektiv olmasını ölçmək üçün maliyyə sektorundan müəyyən datalar da toplanacaq. Hazırda biz müəyyən hesabat nümunələrinini təkmilləşdiririk ki, ölçməni dəqiq aparaq.
Beynəlxalq təcrübə də onu göstərir ki, texnologiya inkişaf etdikcə istifadəçilər də bu yeniliklərdən mütəmadi istifadə etdikcə kiber təhdidlərin də sayı artır. Biz də əlimizdən gələni edirik ki, vətəndaşları, istifadəçiləri bu təhdidlərdən qoruyaq".
X. Məmmədova qeyd edib ki, məhz bu strategiyanın tətbiqi infrastrukturda iştirak edən bütün təchizatçıları, bu təkcə banklar deyil, fintex şirkətləri, müxtəlif maliyyə xidmətləri göstərən şirkətlər öz infrastrukturunda mümkün qədər sürətli şəkildə bu qaydanın tələblərini tətbiq etsinlər.
