İngiltərə Premyer Liqasının klubları VAR-ın gələn mövsümdən ləğv olunmasına səs verəcəklər.
QOL.az xəbər verir ki, bu barədə “The Athletic” məlumat yayıb.
Qeyd olunur ki, İngiltərə Premyer Liqasında VAR-ın ləğv olunması ilə bağlı qətnaməni “Vulverhempton” klubu təqdim edib. Qətnamənin qəbul olunması üçün 20 klubdan 14-ü VAR sisteminin əleyhinə olmalıdırlar. Səsvermənin iyunun 6-da keçiriləcəyi gözlənilir.
Qeyd edək ki, bu mövsüm Premyer Liqada VAR sistemindən çoxlu narazılıqlar olub. Öncə daha bir İngiltərə klubu “Nottingem Forest” tətbiqin fəaliyyəti ilə bağlı Premyer Liqaya etiraz məktubu göndərmişdi.
