Azərbaycan Nazirlər Kabinetinin rəsmi saytına istinadla onu da bildiririk ki, Dövlət Mükafatına təqdim edilən əsərlər sırasında "Təzadlar" qəzetinin təsisçisi və baş redaktoru, Avropa Mətbuat Federasiyasının üzvü Asif Mərzilinin əfsanəvi kəşfiyyatçı, şəhid Vətən Müharibəsi Qəhrəmanı, polkovnik-leytenant Orxan Əkbərovun qəhrəmanlıq dolu döyüş yoluna həsr etdiyi "Sonuncu əmr" romanı da var.
Onu da deyək ki, "Sonuncu əmr" romanı Dövlət Komissiyasına təqdim edilmiş çoxsaylı əsərlər sırasından seçilmiş və komissiyanın qiymətləndirilməsinə verilmiş üç bədii əsərdən biridir.
Artıq bu həftənin əvvəlindən başlayaraq Dövlət Mükafatları Komissiyasının qərarına əsasən, bədii əsərlərin ictimai müzakirələri həyata keçirilir. İndiyədək "Sonuncu əmr" romanı haqqında 10- a yaxın tanınmış ədəbiyyatşünasların, ictimai xadim və hərbi ekspertlərin, həmçinin ədəbiyyat sahəsində böyük təcrübəsi olan tənqidçi- ekspertlərin analitik yazıları mediada çap olunmuşdur. Bundan başqa, ayrı- ayrı mədəniyyət ocaqlarında əsərin ictimai müzakirəsinə başlanılıb. Ötən günlərdə Dünya Azərbaycanlılarının Mədəniyyət Mərkəzində romanın geniş ictimai müzakirəsi həyata keçirilmişdir.