NATO üzvü olan Polşa və Rumıniya Ukraynaya kömək etmək üçün öz hava hücumundan müdafiə sistemlərindən istifadə edə bilər.
Bu təkliflə Şimali Atlantika Alyansının keçmiş baş katibi Anders Foq Rasmussen Britaniyanın iNews internet qəzetinə müsahibəsində çıxış edib.
“Biz ukraynalılara Rusiyadan gələn pilotsuz təyyarələri və raketləri vurmaqda kömək edə bilərik” dedi keçmiş baş katib.
Rasmussenin sözlərinə görə, bu, Ukraynadakı döyüş meydanına ordu kontingenti göndərilmədən, NATO ərazisində edilə bilər.
O, Polşa və Rumıniya ərazilərindən kəsici raketlərdən istifadə etməyi təklif edir, çünki alyans ölkələri “Ukraynanın qərb hissəsini”, eləcə də respublikanın hərbi sənayesini daha effektiv müdafiə edə bilir.
Mənbə: A Haber
