ABŞ Prezidenti Co Bayden prezident seçkiləri ərəfəsində siyasi rəqibi Donald Trampı televiziya debatına çağırıb.
Yeniavaz.com xəbər verir ki, prezident müvafiq videomüraciəti sosial şəbəkə hesabında paylaşıb.
“Donald Tramp 2020-ci ildə iki dəfə mənimlə debatları uduzdu. O vaxtdan bəri debata çıxmır. İndi o, mənimlə yenidən debat keçirmək istəyirmiş kimi davranır. Günümü şad et, dostum. Mən hətta iki dəfə bunu keçməyə hazıram. Gün seç, Donald”, - Bayden deyib.
Öz növbəsində Tramp “Truth Social” sosial şəbəkəsində paylaşım edərək çağırışı qəbul edib:
“Mən iki raunddan çox və daha inandırıcı olmaq üçün çox böyük auditoriya qarşısında keçirməyi şiddətlə tövsiyə edərdim”.
Bayden və Tramp CNN-in iyunun 27-də debata ev sahibliyi etmək dəvətini qəbul ediblər. Debatların ikinci mərhələsi sentyabrın 10-da ABC telekanalında yayımlanacaq.

• tags
• tags