Rusiya lideri hərbi dairə qoşunlarının komandanları ilə görüşündə də hərbi istehsalın şaxələndirilməsinin vacibliyini bəyan edib
Rusiya prezidenti Vladimir Putin xəbərdarlıq edib ki, xüsusi hərbi əməliyyatla bağlı iqtisadiyyatda və ya sənayedə heç bir balanssızlıq olmamalıdır.

O, xüsusi təyinatlı hərbi əməliyyatın səmərəli keçirilməsi üçün hərbçilərin tələblərinin ödənilməsinin zəruriliyini qeyd edib, həmçinin hərbi dairələr qoşunlarının komandanları ilə görüşündə hərbi istehsalın şaxələndirilməsinin vacibliyini bildirib.

"Biz hamımız bunu etməliyik, çünki sağlam iqtisadiyyat prinsiplərinə və makroiqtisadi prinsiplərə tam əməl olunur. Bu, son dərəcə vacibdir. Biz heç bir halda iqtisadiyyatda və ya sənayedə hər hansı balanssızlığa yol verməməliyik", - Putin vurğulayıb.

"Biz birlikdə Rusiya Silahlı Qüvvələrinin xüsusi hərbi əməliyyat çərçivəsində döyüş təmas zonasında səmərəli iş üçün tələblərini yerinə yetirməliyik", - o, iclas iştirakçılarına deyib.

Bu arada prezident müdafiə sektorunun fəal inkişafını zəruri hesab edir. “Müdafiə sənayesi istehsalı sahələrinin inkişafı üçün çox iş görülməlidir, yəni həmin müəssisələr də diversifikasiya işlərini davam etdirirlər. “Biz hər an hazır olmalıyıq ki, o müəssisələr <…> bu istiqamətdə əlavə addımlar atsınlar, onlar daha böyük dərəcədə mülki məhsul istehsalına keçməyə hazır olmalıdırlar”, - Putin qeyd edib.

O əlavə edib ki, Rusiyanın milli inkişaf hədəfləri hətta xüsusi hərbi əməliyyatlar aparılsa belə, toxunulmaz qalmalıdır. "Biz hamımız həm də milli inkişaf hədəflərinə nail olmaq planlarından mükəmməl xəbərdarıq. Xüsusi hərbi əməliyyatlar keçirilsə də, bu planlar azalmır", - prezident bildirib.

aia.az
Tərcümə şöbəsi

• tags
• tags