İstanbul, 15 may, Günel Karatepe, AZƏRTAC
Türkiyənin xarici işlər naziri Hakan Fidan ilə ABŞ Dövlət katibi Antoni Blinken arasında telefon danışığı olub.
AZƏRTAC xəbər verir ki, danışıq zamanı İsrail-Fələstin və Rusiya-Ukrayna qarşıdurmaları ətrafında fikir mübadiləsi aparılıb.
Türkiyənin xarici işlər naziri Qəzza zolağında ən qısa zamanda qalıcı atəşkəsin təmin edilməsinin, eləcə də humanitar yardımların bölgəyə çatması qarşısındakı maneələrin aradan qaldırılmasının vacibliyini vurğulayıb.
