Lənkəran, 15 may, İlkin Adıyev, AZƏRTAC
Lənkəran şəhəri ərazisindəki poçt şöbələrindən birindən oğurluq edilib.
AZƏRTAC-ın bölgə müxbiri xəbər verir ki, gecə saatlarında naməlum şəxsin poçt şöbəsinin binasının şüşəsini qıraraq içəridən 3 ədəd bağlamanı oğurlaması barədə polisə məlumat daxil olub. Lənkəran Şəhər/Rayon Polis Şöbəsinin əməkdaşlarının keçirdikləri tədbirlərlə oğurluğun şəhər sakini olan yetkinlik yaşına çatmayan bir nəfər tərəfindən törədildiyi müəyyən edilib.
Araşdırma aparılır.