Ukrayna prezidenti Vladimir Zelenski İspaniya və Portuqaliyaya səfərini ölkədəki “ciddi daxili vəziyyətə görə” ləğv edib. Vətəninfo.az xəbər verir ki , bu barədə CNN Portuqaliya telekanalı məlumat yayıb.
Mətbuatın yazdığına görə, Kiyev cəbhənin bir neçə bölgəsində, xüsusən Xarkov vilayətində çətin vəziyyətlə üzləşib ki, bu da Ukrayna nümayəndə heyətinin xaricə getməsini məqsədəuyğun hesab etmir.
İspaniya Kral Məhkəməsi də öz növbəsində monarx VI Filippin Zelenski ilə mayın 17-nə planlaşdırılan görüşünün ləğvi barədə məlumat verib.
İspaniyada Zelenski baş nazir Pedro Sançeslə ikitərəfli təhlükəsizlik əməkdaşlığı sazişi imzalamalı idi.
Öz növbəsində Reuters xəbər verir ki, Portuqaliya hökumətinin sözçüsü Ukrayna prezidentinin səfərinin ləğv olunduğunu elan edib, lakin bunun səbəblərini açıqlamayıb.
Mayın 13-də SIC Notícias telekanalı Zelenskinin ölkələr arasında təhlükəsizliklə bağlı sazişin mümkün imzalanması üçün Portuqaliyaya səfər edəcəyini bildirib.
