NATO-ya üzv ölkələrin müdafiə nazirləri Ukraynanın iştirakı ilə toplanacaq
İyunun 13-14-də Brüsseldə NATO-ya üzv ölkələrin müdafiə nazirləri və Ukrayna-NATO Şurasının nazirlər səviyyəsində görüşü keçiriləcək.
AFN.az xarici mediaya istinadən xəbər verir ki, iclasa NATO baş katibi Yens Stoltenberq sədrlik edəcək..
Yığıncaq planlı və illikdir. Eyni zamanda, birinci günə Ukrayna-NATO Şurasının iclası nəzərdə tutulur. Maraqlıdır ki, 20 il ərzində alyansın nazirlərin məsləhətləşmələri çərçivəsində müttəfiq olmayan dövlətlərlə bütün görüşləri ikinci gün keçirilib.
Alyansdan verilən açıqlamada görüşün mövzuları haqda detallar verilməyib, proqramın daha sonra təqdim olunacağını qeyd edib.
Lakin TASS-ın Brüsseldəki mənbədən aldığı məlumata görə, müdafiə nazirləri Ukraynadakı döyüş zonasındakı mövcud vəziyyəti, Kiyevə hərbi təchizatın sürətləndirilməsini, habelə alyans dövlətlərinin özlərinin müdafiə planlarının yenilənməsini müzakirə etmək niyyətindədirlər. Bu müzakirə NATO-nun iyulda ABŞ-da keçiriləcək sammitindən əvvəl sonuncu sinxronizasiya olacaq, burada alyans, xüsusən də Kiyevə hərbi təchizat üçün 100 milyard dollarlıq fond yaratmaq niyyətindədir.
