"Roma"nın hücumçusu Paulo Dibala karyerasını Səudiyyə Ərəbistanında davam etdirə bilər.
90deqiqe.Az xəbər verir ki, “Əş-Şəbab” “Roma”ya 12 milyon avro ödəməyə hazırdır – bu, argentinalı forvardın "Roma" klubu ilə müqaviləsində göstərilən məbləğdir.
Dibalanın prioritetinin “Roma” ilə müqaviləsini uzatmaq olduğu qeyd edilir.
Daha əvvəl Dibalanın xidmətində "Atletiko Madrid"in maraqlı olduğu bildirilirdi.
Bu mövsüm Paulo İtaliya çempionatında 26 oyun keçirib, 13 qol vurub və 9 məhsuldar ötürmə edib.
