Dieqo Maradonanın varisləri Argentinanın 1986-cı ildə Dünya Çempionatında ona verilən kubokun hərracda stılmasını dayandırmaq üçün məhkəməyə müraciət edəcəklər.
Azpost.info bildirir ki, bu barədə onların vəkili Associated Press-ə bildirib.
Qeyd edək ki, Argentina yığıması futbol üzrə dünya çemionu olduğu həmin ildə Maradonaya turnirin ən yaxşı oyunçusu kimi “Qızıl top” kuboku verilib. Amma bu kubok müəmmalı şəraitdə itib. Onilliklər ərzində onun yoxa çıxdığı güman edilirdi. Amma kubok bu yaxınlarda yenidən ortaya çıxıb.
Keçən həftə Aguttes hərrac evi bildirib ki, “Qızıl Top” gələn ay Parisdə hərraca çıxarılacaq.
2020-ci ildə 60 yaşında vəfat edən Maradona 1986-cı ildə Mexikoda keçirilən çempionatda Argentina yığımasının kapitanı olub.
Maradonanın varisləri kubokun oğurlandığını iddia edərək hazırkı sahibinin onu satmağa haqqı olmadığını deyirlər.
Paradox Lawyers şirkətində çalışan hüquqşünas Gilles Maurier Paris yaxınlığındakı Nant məhkəməsinin sədrinə Qızıl topun hərracdan götürülməsi üçün təcili müraciət edəcəyini söyləyib.
O, AP-yə bildirib ki, kubokun məhkəməyə verilməsini də tələb edəcək və oğurluq və gizli oğurluğa görə şikayət verəcək.
