Amerikalı aktrisa Anya Taylor-Coy “Mad Max” serialının davamı olan “Furiosa: A Mad Max Saga” filminin çəkilişləri zamanı yaşadıqlarından danışıb.
Hafta.az-ın “New York Times”a istinadən yazdığına görə, o deyib: "Mən dəyişmək istəyirdim. Çox ekstremal bir vəziyyətə düşmək istəyirdim ki, burada böyümək və inkişaf etməkdən başqa seçimim qalmayacaq. Məhz belə oldu".
Rejissoru Corc Millerin olduğu filmdə Furiosa obrazını canlandıran aktrisa 6,5 aylıq çəkilişlər zamanı "emosional və fiziki sınaqdan keçdiyini" bildirib.
Yeni filmdə 28 yaşlı aktrisa “Mad Max: Fury Road” filmində Şarliz Teronun canlandırdığı kiçik Furiosa obrazını oynayır.
Serialın yeni filmində kinosevərlər Furiosanın yüksəlişinin ilk 15 ilini izləyəcəklər.
Taylor-Joy yorucu bir prosesdən sonra çəkilişlərin 2022-ci ilin sonunda tamamlandığını ifadə edərək deyib: “Bu filmi çəkərkən heç vaxt özümü tək hiss etməmişəm. Çox dərinə getmək istəmirəm, amma asan olacağını düşündüyüm hər şey çətin idi”.
Çəkiliş zamanı yaşadıqlarını həzm etmək üçün zamana ehtiyacı olduğunu bildirən gənc aktrisa “20 ildən sonra bu sualları mənə bir daha verin” deyib.
Millerlə işləməyin onun üçün böyük şans olduğunu ifadə edən Taylor-Joy, 79 yaşlı rejissorun Furiosa obrazı ilə bağlı çox dəqiq bir baxışa sahib olduğuna diqqət çəkib: “Əgər belə bir işi boynuna götürəcəksənsə, Corc Miller kimi birinin əlində olmalısan, Furiosanın döyüş ifadəsi "Onun necə olacağına dair çox aydın və sərt bir yanaşması var idi. O, filmin çoxunda mənə “Ağzın bağlanıb, heç bir duyğu yoxdur, gözlərinlə danış” deyə gözlərimlə danımağıma icazə verib”.
Mayın 24-də ekranlara çıxacaq filmdə Taylor-Coyu Kris Hemsvort və Tom Burk müşayiət edəcək.
