Azərbaycan Kardiologiya Cəmiyyətinin (AKC) Təxirəsalınmaz kardiologiya işçi qrupu Respublika Təcili və Təxirəsalınmaz Tibbi Yardım Mərkəzində növbəti nəzəri təlim keçib.
Respublika Təcili və Təxirəsalınmaz Tibbi Yardım Mərkəzindən Aztibb.az-a bildirilib ki, qurumun Bakı şəhəri üzrə 15 təcili tibbi yardım həkimi təlimdə iştirak edib.
Təlimi giriş sözü ilə işçi qrupunun rəhbəri Yusif Ağayev açıb. O, AKC-nin müvafiq qrupunun yaradılması və fəaliyyət planı haqqında qısa məlumat verib.
Daha sonra isə AKC-nin müvafiq işçi qrupunun üzvləri Arzu Qurbanova, Könül Səfərova və Ruslan Bağıyev tərəfindən təlim keçirilib.
Sonda isə təlim iştirakçılarına sertifikatlar təqdim olunub.
