İsrail tərəfi Misirin Rəfah keçidini yenidən açmalı və Qəzza zolağına humanitar yardım axınını dayandırmalı olduğunu bildirib. Qahirə də öz növbəsində Təl-Əvivi yardım tədarükünü əngəlləməkdə qınayıb.
İqtisadiyyat.az xəbər verir ki, bu barədə "Reuters" məlumat yayıb.
İsrailin xarici işlər naziri İsrael Katz jurnalistlərə açıqlamasında deyib: "Qəzzada humanitar böhranın qarşısının alınmasının açarı hazırda misirli dostlarımızın əlindədir".
Katz qeyd edib ki, o, britaniyalı və alman həmkarları ilə Misiri Rəfah keçidini yenidən açmağa razı salmağın zəruriliyi barədə danışıb. O əlavə edib ki, çərşənbə axşamı İtaliyanın xarici işlər naziri ilə də danışacaq.
İsrailin təhlükəsizlik baxımından güzəştə getməyəcəyini vurğulayan Katz vurğulayıb: "HƏMAS Rəfah keçid məntəqəsinə nəzarət etməyəcək".
