“Hesab edirəm ki, Gürcüstandakı etirazlar maliyyələrinin 20 faizindən çoxunu xarici donorlardan alan QHT-lərin və müstəqil medianın məhdudlaşdırılmasına yönəlmiş qanunvericiliyi əks etdirən yeni qanunla əlaqələndirilir”.
Bu sözləri Yenicag.az-a açıqlamasında ingiltərəli politoloq Neil Uotson söyləyib.
Gürcüstan parlamenti tərəfindən “Xarici təsirin şəffaflığı haqqında” qanun layihəsinin bu gün üçüncü oxunuşda qəbul edilməsindən sonra paytaxt Tbilisidə yenidən gərginləşən durumdam söz açan analitikin fikrincə, burada reallıq ondan ibarətdir ki, sözügedən qanun Gürcüstandakı söz və ifadə azadlığını ciddi şəkildə azaldır.
“Çünki milli QHT və media hökumətin ciddi nəzarəti altındadır. Baş nazir İrakli Kobaxidze bəyan edib ki, əsaslandırma ondan ibarətdir ki, bu həyata keçirilməsə, Gürcüstan öz suverenliyini itirə və “Ukraynanın taleyini bölüşə bilər”. Yadda saxlamaq lazımdır ki, Akbxaziya və Cənubi Osetiya Rusiya tərəfindən işğal olunub ki, növbəti mərhələdə Rusiyanın Ukraynadakı müharibədə müəyyən uğur əldə etməsi nəticəsində bütün Gürcüstanı işğal etməsi də çətin olmayacaq”, – politoloq bildirib.
Onun sözlərinə görə, təbii ki, Gürcüstan prezidenti Salome Zurabişvili qanuna veto qoyacağını bildirib, lakin bu, etirazçıları sakitləşdirməyə yönəlmiş dişsiz və sükutla dolu bir bəyanatdır:
“Rusiyanı razı salmaq və işğalı dayandırmaq üçün Gürcüstan bu qanunu qəbul etməlidir. Ərazisində rus qoşunlarının olduğu və beynəlxalq ictimaiyyətin faktiki olaraq susduğu keçmiş sovet respublikası kimi, Gürcüstan Rusiyanı sakitləşdirməyə məcburdur”.
Rafi Müslümov
