Moskva, 14 may, AZƏRTAC
Belqorodda evin bir hissəsinin uçduğu yerdə daha iki nəfərin meyiti aşkarlanıb. Bununla da hadisə nəticəsində ölənlərin sayı 17 nəfərə çatıb.
AZƏRTAC xəbər verir ki, bu barədə məlumatı RF Fövqəladə Hallar Nazirliyi yayıb.
Xatırladaq ki, mayın 12-də Rusiya Federasiyasının Belqorod əyalətinin Belqorod şəhərində 40 mənzilli yaşayış binasına mərmi düşməsi nəticəsində binanın bir blokunda yerləşən 10 mənzilin hamısı dağılıb.
Fəridə Abdullayeva
AZƏRTAC-ın xüsusi müxbiri
Moskva