Transfer cəhdlərini davam etdirən “Beşiktaş”ın "Atletiko Madrid"in ulduzu Memfis Depayı heyətinə qatmaq istədiyi və hollandiyalı futbolçu ilə ilk əlaqənin qurulduğu iddia edilib.
90deqiqe.Az xəbər verir ki, bu barədə Türkiyənin “Sabah” nəşri yazıb.
Bildirilib ki, gələn mövsümün heyət quruluşu çərçivəsində əksər əcnəbi futbolçularla yollarını ayırmaq istəyən “Beşiktaş” rəhbərliyi, ediləcək transferlər üzərində işlərini davam etdirir. Bu baxımdan ağ-qaraların mühüm hədəflərindən biri də Memfis Depaydır.
30 yaşlı ulduzla maraqlanan "Beşiktaş"ın artıq futbolçunun vəziyyətini sorğu-sual edərək təşəbbüslərə başladığı qeyd edilib.
Memfis Depay bu mövsüm 29 matçda meydana çıxsa da, 9 qol və 2 məhsuldar ötürmə ilə komandasına töhfə verib.
