Teleaparıcı Elgiz Əkbər növbəti açıqlaması ilə gündəmə gəlib.
Bakıvaxtı.az xəbər verir ki, o, rastlaşdığı hadisələrin bəzilərindən təəssüfləndiyini bildirib.
Zibilliklərin birində gördüklərindən təsirlənən teleaparıcı hadisəni belə nəql edib:
“O gün zibilliklərin birinin yanından keçirəm. Baxıram ki, səfil həyatı yaşayan bir nəfər zibil qablarını eşir. Yekə bir sellafon torba çıxarıb, qoydu qarşısına. Sellafondan ət çıxdı, 2-3 kiloqram olardı. Sonra düyü, üstündə də qarası. Adam lap istəyir ki, qaşıq vurub, yesin. Alıb, çoxdur da, gör nə qədər harınlayıb ki, aparıb atıb. Bunu niyə atırsan ki? Apar kiməsə ver də”.
Ziyafət Əlisoy