"Ermənistanda türkə nifrət bəsləyənlər hakimiyyəti devirərək yenidən bölgəni savaş meydanına çevirmək istəyirlər"
"İrəvan polisi hökumət əleyhinə etiraz aksiyalarında iştirak edən ASALA terror təşkilatının üzvü Ambik Sasunyanı saxlayıb. O, 1982-ci ildə Türkiyənin Los-Ancelesdəki konsulu Kemal Arıkanın qətlində ittiham edilərək əfv hüququndan yararlanmaq qadağası ilə ömürlük azadlıqdan məhrum edilib". Hurriyyet.az-ın məlumatına görə, bunu Prezident yanında Dövlət İdarəçilik Akademiyasının müşaviri, Bakı Politoloqlar Klubunun rəhbəri Zaur Məmmədov qeyd edib.
Bakı Politoloqlar Klubunun rəhbəri bildirib ki, 2016-cı ildə isə Kaliforniya Məhkəməsi Ambik Sasunyanın şərti azadlığa buraxılması barədə hökm çıxarıb: "Göründüyü kimi, Ermənistanda türkə nifrət bəsləyənlər hakimiyyəti devirərək yenidən bölgəni savaş meydanına çevirmək istəyirlər".
Vazeh BƏHRAMOĞLU,
Hurriyyet.az
