Müəllif: Tamara Mustafayeva, Banco.az
“SoftBank Group” 2023-cü maliyyə ili üzrə xalis zərər açıqlayıb.
Banco.az xəbər verir ki, Yaponiyada enerji, maliyyə, investisiya və kommunikasiya sektorlarında xidmətlər göstərən “SoftBank Group” 2023-cü maliyyə ilinə dair balans hesabatını dərc edib.
Hesabatda qeyd olunur ki, şirkət 2023-cü maliyyə ilinin yanvar-mart dövründə 231,1 milyard yen (1,48 milyard dollar) xalis mənfəət əldə edib.
“Softbank Group” 2023-cü ilin aprel-2024-cü ilin mart ayları aralığında isə 227,6 milyard yen (1,46 milyard dollar) xalis zərər elan edib.
Bildirilib ki, 2021-ci maliyyə ilində 1,7 trilyon yen, 2022-ci maliyyə ilində isə 970,1 milyard yen xalis zərərlə üzləşən şirkətin xalis zərəri beləliklə, ötən 3 ilin ən aşağı səviyyəsinə düşüb.
2023-cü maliyyə ilində şirkətin satış gəlirləri 2,8 faiz artaraq 6,76 trilyon yenə (43,3 milyard dollar) çatdığı halda, ümumi investisiya itkisi 559,3 milyard yenə (3,58 milyard dollar) qədər azalıb.
