Quterreş Qəzza zolağında BMT-yə məxsus avtomobilə hücumun araşdırılmasına çağırıb - YENİLƏNİB

BMT-nin baş katibi Antoniu Quterreş Qəzza zolağının cənubundakı Rəfah şəhərində təşkilata məxsus avtomobilə hücumun araşdırılmasına çağırıb.

Ednews TASS-a istinadən xəbər verir ki, bunu BMT Baş katibinin sözçünün müavini Fərhan Haq bildirib.

Qeyd edək ki, Qəzza zolağı ilə Misir sərhədində yerləşən “Rəfah” keçid məntəqəsi yaxınlığındakı BMT-yə məxsus avtomobilə hücum nəticəsində qurumun bir əməkdaşı həlak olub, digər işçi isə yaralanıb.

***
Qəzza zolağı ilə Misir sərhədində yerləşən “Rəfah” keçid məntəqəsi yaxınlığındakı hərbi əməliyyatlarda BMT-nin iki əməkdaşı yaralanıb.

Ednews TASS-a istinadən xəbər verir ki, zərərçəkənlərdən birinin vəziyyəti ağırdır.

İsrailin “Kan” radiostansiyasının məlumatına görə, təhlükəsizlik xidmətləri hadisənin baş vermə şəraitini araşdırır.