Rusiya qoşunları Xarkov vilayətində yerləşən Volçansk şəhərinin şimal kənarına daxil olub.
NOCOMMENT.az xəbər verir ki, bu barədə “Strana.ua” nəşri Ukrayna Silahlı Qüvvələrinin Baş Qərargahının (AFU) məlumatlarına istinadən məlumat yayıb.
Nəşr qeyd edir ki, Ukrayna Silahlı Qüvvələri Rusiya hərbçilərini mövqelərindən sıxışdırıb çıxarmağa çalışır. Bundan əlavə, artıq Volçanskın qərbində, Staritsa kəndi ərazisində döyüşlər gedir.
Mayın 13-də Ukraynanın “Espresso” telekanalında çıxış edən Xarkov Vilayət Şurasının deputatı Aleksandr Skorik bildirib ki, Rusiya hərbçiləri Volçansk şəhərini mühasirəyə almağa başlayıblar. Onun sözlərinə görə, hazırda şəhər ərazisində son dərəcə mürəkkəb mövqe döyüşləri gedir. Ukrayna Silahlı Qüvvələrinin (AFU) əsgərləri rus qoşunlarının “ağır atəşi” altında qalıblar.