İstanbul Təhlükəsizlik Müdirliyi Qaçaqmalçılıq cinayətləri ilə Mübarizə qrupları təəccüblü əməliyyat keçirib. Hava limanı səlahiyyətliləri ilə birgə həyata keçirilən əməliyyatda əqrəb, tarantula və hörümçək kimi Türkiyənin endemik növlərinin də olduğu təxminən 1500 zəhərli heyvan və 58 klipsli torbada içərisində maye olan 88 plastik balon butulka ələ keçirilib.
Xalqcəbhəsi.az Türkiyə mətbuatına istinadən xəbər verir ki, Amerika Milli Təbiət Tarixi Muzeyinin direktoru, professor Lorenzo Prendini endemik canlı növlərini qaçaqmalçılıq yolu ilə çamadana salıb ABŞ-yə keçirməyə cəhd etdiyi üçün saxlanılıb.
