Entoni Coşua dünən Səudiyyə Ərəbistanına gəlib. Gəlişin məqsədi Tayson Fyuri – Aleksandr Usik döyüşünü izləməkdir.
Məlumatı Turki Əş-Şeyxi verib. O bunu öz sosial şəbəkə hesabında yazıb.
Böyük ehtimalla Coşuanın növbəti rəqibi məhz bu döyüşdə bilinəcək. Gəlişin baş tutmasının səbəbi də məhz buna görə ola bilər.
Xatırladaq ki, şənbə günü Səudiyyə Ərəbistanının paytaxtı Ər-Riyadda böyük boks gecəsi olacaq. Həmin gün ən ağır çəkidə dünya çempionluğu kəmərinin sahibi müəyyənləşəcək.
