“Premyer Liqada son illərdə belə gərgin mübarizə izlədiyimizi xatırlamıram.
Avrokuboklar üçün yarış çempionata bir az maraq qatıb. Son tur isə adrenalin olacaq”.
Bu açıqlama “Sportinfo TV”nin aparıcı eksperti Elçin Cəfərova məxsusdur.
Tanınmış jurnalist Premyer Liqada geridə qalan 34-cü turu dəyərləndirərkən deyib ki, “Sabah”ın Qəbələdə məğlubiyyəti sürpriz nəticə kimi dəyərləndirir:
“Son iki turdur “Qəbələ”də müəyyən yüksəliş hiss edilməkdədir. Bu cür gənc oyunçulara daha əvvəldən şans tanıdılmalı idi.
“Sabah”ın uduzması məndə təəccüb doğurdu”.
Elçin Cəfərov eyni zamanda hesabat turunda oynanılan digər qarşılaşmalara nəzər yetirərək, maraqlı şərhlərlə diqqət çəkib.
