Litvada keçirilən prezident seçkilərinin birinci turunda qalib müəyyənləşməyib.
RİA Novosti bu barədə ölkənin Baş Seçki Komissiyasına istinadən xəbər verir.
Mayın 13-də Moskva vaxtı ilə saat 6:00-a qədər bütün 1895 seçki məntəqəsinin məlumatları emal edilib. Birinci turda prezident seçilmək üçün səslərin ən azı yarısını toplamaq və eyni zamanda qeydə alınmış bütün seçicilərin ən azı üçdə birinin dəstəyini almaq lazım idi. Litvanın hazırkı rəhbəri Gitanas Nauseda belə nəticələr əldə edə bilməyib, o, yalnız 44,19% səs toplayıb.
Buna görə də seçkilərin növbəti turu keçiriləcək və bu turda Nauseda və 19,78% səslə ikinci olan keçmiş baş nazir İnqrida Simonyte iştirak edəcək. Maraqlıdır ki, 2019-cu ildə keçirilən son seçkilərdə Simonyte ilk turda Nausedaya qalib gəlsə də, ikinci turda ona uduzmuşdu.
Mənbə: RİA Novosti