İşgüzar səfərlər çox gərgin proqramlardan ibarət olur. Özü də yorucu olacağı üçün əvvəlcədən planlaşdırmadığınız bir çox şey vaxt itirməyinizə və daha da yorulmağınıza səbəb ola bilər. Daha da pisi, bəzi şeyləri unutduğunuz üçün işgüzar səfəriniz son dərəcə səmərəsiz ola bilər. Odur ki, ezamiyyətə getməzdən əvvəl görəcəyiniz hazırlıqlara son dərəcə diqqətli olmalısınız.
Valyuta.az işgüzar səfərə getməzdən əvvəl mütləq nəzərə almalı olduğunuz bəzi nüansları təqdim edir:
1. Özünüzlə funksional və gec qırışan paltarlar götürməlisiniz.
Qablaşdırma zamanı özünüzlə götürəcəyiniz paltarlar haqqında son dərəcə seçici olmalısınız. Səfərin qeyri-iş sahəsini nəzərə alaraq özünüzlə az sayda, lakin çox funksional paltar götürməlisiniz. Bundan əlavə, qırışsız paltarlar və rahat ayaqqabılar işgüzar səfərlər üçün ideal əşyalardır. Kosmetik məhsulları tutduqları yerə görə seçmək daha məntiqli olardı. Bu paltarları seçərkən gedəcəyiniz yerin hava şəraitini nəzərə almağı unutmayın.
2. Təyyarədə yüngül yeməklər seçməlisiniz.
Təyyarədə olarkən mütləq ağır və yağlı yeməklərdən uzaq durmalısınız. Əvəzində yüngül qidaları seçmək həm mədənizi narahat etməyəcək, həm də dad baxımından daha az riskli olacaq.
3. Özünüzlə vizit kartlarınızı götürməyi unutmamalısınız.
İşgüzar səfərlər yeni insanlarla işgüzar əlaqələr qurmaq üçün ideal yerlərdir. Odur ki, yanınızda çoxlu vizit kartınız olmalı və gün ərzində asanlıqla əldə edə biləcəyiniz yerlərdə gəzdirməlisiniz.
4. Marşrut və görüş məlumatlarına tam əmin olmalısınız.
Görüşünüz tam olaraq haradadır? Nə vaxt, harada olmalısınız və ora necə çatacaqsınız? İşgüzar səfərinizdən əvvəl bütün bu suallara tam cavab verməlisiniz. Odur ki, sizinlə mütləq həmin yerin xəritəsi və yol planı olmalıdır. Nəqliyyatdan hansı vasitələrdən istifadə edəcəyinizi də əvvəlcədən öyrənməlisiniz.
5. İşdən kənar vaxtınızı əvvəlcədən planlaşdırmalısınız.
İşgüzar səfər olsa belə, bunun xaricində vaxtınız varsa, bu məhdud vaxtı mütləq əvvəlcədən planlaşdırmalısınız. Görmək istədiyiniz yerləri və ya almaq istədiyiniz əşyaları əvvəlcədən araşdıraraq məlumatınız olmalıdır. Çünki bu cür planlaşdırma vaxtınıza qənaət edəcək.
6. Səyahət etməzdən əvvəl mütləq pasportunuzu, şəxsiyyət vəsiqənizi və ya səyahətlə bağlı digər sənədlərinizi yoxlamalısınız.
Pasportunuzu, şəxsiyyət vəsiqənizi və ya digər tələb olunan sənədləri unutmağınız işgüzar səfərinizə gedə bilməmək kimi pis nəticələrə səbəb ola bilər. Ona görə də evdən çıxmazdan əvvəl belə sənədlərin yanınızda olduğundan əmin olmalısınız.
7. İşinizlə bağlı texniki avadanlıqları özünüzlə aparmağınızdan əmin olmalısınız.
Deyək ki, iştirak edəcəyiniz görüş üçün ən lazımlı avadanlıq laptopunuzdur. Amma siz səyahətə çıxanda onun şarj cihazını özünüzlə götürməyi unutmusunuz. Çantanızı hazırlayarkən belə problemlərin qarşısını almaq üçün sizə lazım ola biləcəyini düşündüyünüz bütün texniki avadanlıqları, məsələn, şarj cihazı, ehtiyat batareya, USB flash yaddaşı özünüzlə aparmağınızdan əmin olmalısınız.
8. Sizə lazım ola biləcək bəzi xırda detallar da çantanızda olmalıdır.
Məsələn, səyahət zamanı hər zaman özünüzlə aparmağınız lazım olan sənədlər üçün kiçik çanta, oteldə rozetka az olduğu halda elektrik zolağı, ehtiyat batareya, kiçik bir ilk yardım dəsti. Bütün bunlar xırda detallar kimi görünsə də, həqiqətən ehtiyac anlarında həyatları xilas edir. Beləliklə, səyahət çantanızı hazırlayarkən diqqətli olun və mümkün qədər ətraflı düşünün.
Əvəz Həsənov
