ABŞ kvant və nüvə enerjisi texnologiyaları və pilotsuz aviasiya sahələrində fəaliyyət göstərən 37 Çin şirkətini ixrac nəzarətinin tətbiq ediləcəyi "müəssisə siyahısı"na daxil etdiyini bildirib.
Ednews ABŞ Ticarət Nazirliyindən verilən açıqlamada sözügedən şirkətlərə qarşı ABŞ-ın milli təhlükəsizlik və xarici siyasət maraqlarına zidd fəaliyyət göstərdikləri üçün tədbirlər görüldüyü bildirilib.
Açıqlamada bildirilib ki, şirkətlərdən 22-si “Çinin kvant texnologiyaları sahəsindəki irəliləyişlərindəki rolu və bu sahədə ABŞ-da inkişaf etdirilən texnologiyaları əldə etməsi və ya əldə etməyə cəhd etməsi” səbəbilə sanksiyalar siyahısına daxil edilib. Bu fəaliyyətlərin hərbi sahədə konkret tətbiqləri ola biləcəyini ifadə etdi və bu səbəblə ABŞ-ın milli təhlükəsizliyini təhdid etdiyi bildirildi.
Bəyanatda bu şirkətlərdən bəzilərinin də Çinin nüvə proqramları ilə əlaqəli olduğu və “Rusiyanın Ukraynaya müdaxiləsindən sonra onların nəzarəti altında olan materialların bir hissəsini bu ölkəyə köçürdükləri ” qeyd edilib.
Açıqlamada 4 şirkətin Çin ordusunun istifadəsi üçün pilotsuz uçuş aparat sistemlərində istifadə edilən ABŞ məhsullarını əldə etməyə cəhd göstərdiyi əsası ilə siyahıya daxil edildiyi bildirilib.
ABŞ-ın "milli təhlükəsizlik risklərini" əsas gətirərək uzun müddətdir ki, Çin şirkətlərini sıxışdırdığını ifadə edən Lin deyib:
“Biz ABŞ-ı milli təhlükəsizlik konsepsiyasını həddən artıq genişləndirməyi, ticarət və texnologiya məsələlərini siyasiləşdirməyi və ya silahlandırmağı və müxtəlif sanksiya siyahılarından istifadə edən Çin şirkətlərini sıxışdırmağı dayandırmağa çağırırıq”.
Lin Çin şirkətlərinin qanuni hüquq və maraqlarını qorumaq üçün lazım olanı edəcəklərini vurğulayıb.
Xəyal Ramiz
